Мұхамеджан Тынышпаев атындағы ALT University Huawei ICT Academy Partner Program аясындағы стратегиялық серіктестікті жалғастыруда. Университет авторизацияланған академия мәртебесін растау рәсімінен сәтті өтіп, Huawei Technologies Co., Ltd. компаниясы берген жаңа сертификатқа ие болды.
Қазақстан Республикасының аумағында қолданылатын бұл құжат ақпараттық-коммуникациялық технологиялар (АКТ) және цифрлық құзыреттер саласындағы мамандарды даярлаудың жоғары деңгейін растайды. Сертификаттың (№ CERT20260205000354) қолданылу мерзімі 2026 жылғы 5 ақпаннан 2028 жылғы 1 наурызға дейін деп белгіленген.
Мәртебені жаңарту ALT University студенттері мен оқытушыларына Huawei компаниясының халықаралық білім беру бағдарламаларына қол жеткізудің кеңейтілген мүмкіндіктерін ашады. Академия аясында қатысушылар келесі заманауи бағыттарды меңгере алады: жасанды интеллект, үлкен деректер (Big Data), бұлтты технологиялар, заттар интернеті (IoT), киберқауіпсіздік және желілік әкімшілендіру. Халықаралық кәсіби сертификаттауға дайындыққа және практикаға бағытталған индустриялық құзыреттерді дамытуға ерекше мән беріледі.
Бұл оқиға БҰҰ-ның №17 Тұрақты даму мақсатын («Тұрақты даму жолындағы серіктестік») іске асыруға үлес қосып, инклюзивтілікті және өмір бойы оқу мүмкіндіктерін кеңейтуді қамтамасыз етеді. Қазақстан Республикасының Президенті Ұлттық құрылтайда атап өткендей, білім мен ғылым — стратегиялық басымдықтар, ал озық цифрлық технологиялар мен халықаралық тәжірибені интеграциялау — бәсекеге қабілетті кадрларды даярлаудың негізгі факторы.
ALT University Қазақстанның цифрлық және инновациялық дамуы үшін кадрлар даярлайтын жетекші орталық ретіндегі ұстанымын нығайта отырып, білім, ғылым және индустрияны интеграциялау бойынша жүйелі жұмысын жалғастыруда.
