9 ақпан күні Әуезов ауданының Community Center алаңында еліміздің құқықтық болашағына арналған маңызды зияткерлік Meet-up өтті. Шара барысында Конституцияның жаңа жобасы жастардың көзқарасы тұрғысынан кеңінен талқыланды.
Іс-шараға университетіміздің Жастар саясаты кеңсесінің жетекшісі Ахатай Ырысбек, Студенттік Үкімет Президенті Ембергенова Сабина және белсенді студентіміз Рустембекова Дана қатысып, ел дамуына тікелей ықпал ететін негізгі өзгерістер бойынша өз ой-пікірлерін ортаға салды.
Кездесу ашық диалог форматында өтіп, жастар өз ұсыныстарын еркін жеткізіп, сыни ойлау арқылы маңызды мәселелерді талқылады.
Meet-up мақсаты:
— Конституцияның жаңа жобасын жан-жақты талқылау;
— Жастардың азаматтық белсенділігін арттыру;
— Құқықтық мәдениетті қалыптастыру және дамыту;
— Жаңа технологиялар мен заманауи форматтар арқылы ашық пікір алмасу алаңын құру;
— Жастардың ел болашағына деген жауапкершілігін күшейту.
Кездесу барысында жастар өз құқықтары мен міндеттері, қоғамдағы рөлі, сондай-ақ демократиялық құндылықтардың маңызы туралы ой қозғап, Конституциядағы өзгерістердің күнделікті өмірге әсерін талқылады.
ALT Университеті — ойлайтын, талдайтын, пікірін ашық білдіретін және қоғам дамуына нақты үлес қоса алатын саналы жастарды тәрбиелейтін білім ордасы!
