«Жауынгерлік қамтамасыз ету» циклының қысқаша тарихи анықтамасы

Құрылған күнінен бастап бүгінгі күнге дейін әскери кафедраның «Жауынгерлік қамтамасыз ету» циклінде студенттерге әскери іс бойынша даярлық жүргізіледі. Оқыту жоғары кәсіби білім негізінде запастағы офицерлер мен запастағы сержанттарды даярлау бағдарламалары бойынша әскери-есептік мамандықтар аясында жүзеге асырылады.

Даярлаудың негізгі мақсаты – Қазақстан Республикасы Қарулы Күштерінің офицерлік және сержанттық құрамының бастапқы лауазымдарын толықтыруға арналған, бейбіт және соғыс уақытында бөлімшелерді басқару бойынша теориялық білім мен практикалық дағдыларды меңгерген, әскери даярланған резервті қалыптастыру.

1. Запастағы офицерлерді даярлау бағдарламалары бойынша:

• Жалпыәскери бөлімшелерді басқару;
• Әскери істе инженерлік қамтамасыз ету;
• Әскери ұжымдағы әлеуметтік және идеологиялық жұмыс.

2. Запастағы сержанттарды даярлау бағдарламалары бойынша:

• Кіші буындағы мотоатқыш бөлімшелерін басқару;
• Кіші буындағы артиллериялық бөлімшелерді басқару.