Теміржол көлігіндегі қауіпсіздікті қалай арттыруға болады, бұл теміржолдарды цифрландыруды жеделдетуге және жүктерді және жолаушыларды тасымалдау кезінде қызмет көрсету сапасын жақсартуға көмектеседі. Осы және басқа да тақырыптар бүгін Алматыда логистика және көлік академиясында өткен Орталық Азия мен ТМД елдері арасындағы теміржол көлігіндегі қауіпсіздік және цифрландыру жөніндегі II Еуразиялық форумда талқыланды.
Форум теміржол көлігі саласына қатысы барлардың барлығын жинады: қонақтар арасында мемлекеттік органдардың өкілдері, жетекші қазақстандық және халықаралық көлік-логистикалық компаниялардың басшылары, көлік қауіпсіздігі мен ақпараттық технологияларды қамтамасыз етудің инженерлік-техникалық жүйелерін өндірушілер, зерттеу ұйымдары, білім беру мекемелері және басқалар болды.
Қатысушылар қауіпсіздік, көлік жүйесін жаңғырту және теміржол саласын цифрлық трансформациялау, вагон шаруашылығы мәселелерін, сондай-ақ көлік-логистика және коммуникация салалары үшін кадрлар даярлау тұжырымдамасын талқылады.
«Қазақстантеміржолы» Ұлттық компаниясы Басқарма төрағасының орынбасары Қанат Альмагамбетовтың айтуынша, компания әлемдегі жаһандық өзгерістер жағдайында жаңа көліктік-логистикалық архитектураны құруға ниетті.
«Еуропа мен Азия елдері саудасының орнықты көлемі, теңіз тасымалдарының тұрақсыздығы және теміржол тасымалдарына сұраныс Қазақстан арқылы көлік дәліздерінің транзиттік әлеуетін арттырды. Баламалы транзиттік маршруттарды дамыту және отандық өнімнің қауіпсіз және үздіксіз экспортын қамтамасыз ету қажеттілігі бар. 2029 жылға дейін әлі шамамен 450 локомотив жеткізу жоспарлануда», – деп Қанат Альмагамбетов.
Цифрландыру, роботтандыру, басқару процестерін ауқымды автоматтандыру, автопилотты енгізу – осының бәрі саланы барынша қауіпсіз етеді, деп есептейді логистика және көлік академиясының Президент-Ректоры Салтанат Амиргалиева.
«Теміржолдардың үйлесімді инфрақұрылымына қарамастан, оның құрамында техникалық жағынан ескірген жүйелер бар, олар технологиялық өзгеріс жағдайында жұмыс істеуді қиындатады. IT-технологияларды қолдану арқылы кәсіпорынның барлық бизнес-процестерін интеграциялау тиімді және икемді цифрлық көлік жүйесін қалыптастыруға мүмкіндік береді. Бұл жүктер мен жолаушыларды тасымалдау кезінде бүкіл логистикалық жеткізу тізбегінің тәуекелдерін азайтады», – деп атап өтті Академия Президент-Ректоры.
Форум аясында теміржол өнімдері мен цифрлық технологиялар көрмесі өткенін, Логистика және көлік академиясының зияткерлік әзірлемелері ұсынылғанын атап өтеміз.
