БҰЛ ҚАНДАЙ МАМАНДЫҚ?

В165 – «Магистральді желілер мен инфрақұрылым» білім беру бағдарламаларының тобына кіретін 6В07177 – «Мұнай-газ тасымалдау инженериясы» — магистральді құбыржолдар мен мұнай-газ инфрақұрылымы нысандарын жобалау, салу, пайдалану және жөндеумен айналысатын беделді инженерлік мамандық.

Қарапайым тілмен айтқанда, бұл мамандар мұнай мен газдың кен орындарынан зауыттарға, қоймалар мен тұтынушыларға дейін мыңдаған шақырымға қауіпсіз әрі үздіксіз жеткізілуін қамтамасыз етеді.

ALT Университетінде біз құбыржолдарға жай ғана қызмет көрсетіп қоймай, цифрлық технологияларды, заманауи диагностика мен автоматтандыруды қолдана отырып, мұнай мен газды тасымалдаудың озық, сенімді әрі қауіпсіз жүйелерін жобалайтын, салатын және пайдаланатын жаңа буын мамандарын даярлаймыз.

Сіз келесі міндеттерді үйренесіз:

1. Магистральді мұнай және газ құбырларын жобалау.
2. Құбырлардың гидравликалық және беріктік есептеулерін орындау.
3. Құрылыс процестерін ұйымдастыру және құбыржол құрылысын бақылау.
4. Дәнекерлеу жұмыстарын, сынақтарды және техникалық бақылауды жүргізу.
5. SCADA жүйелерін қолданып, сорғы және компрессор станцияларын пайдалану.
6. Резервуарлармен, мұнай базаларымен және қоймалармен жұмыс істеу.
7. Құбыржолдарды коррозиядан және өнімнің ағып кетуінен қорғау.
8. Инженерлік құжаттаманы (P&ID схемалары, изометриялық сызбалар) оқу және рәсімдеу.
9. Өнеркәсіптік және экологиялық қауіпсіздікті толық қамтамасыз ету.

БІТІРГЕННЕН КЕЙІН КІМ БОЛЫП ЖҰМЫС ІСТЕЙДІ (НЕМЕСЕ СІЗ КІМ БОЛАСЫЗ)?

• Магистральді мұнай және газ құбырларын пайдалану жөніндегі инженер («ҚазТрансОйл» АҚ, QazaqGaz АҚ және т.б.).
• Сорғы / компрессор станциясының инженері.
• Құбыржолдарды диагностикалау, коррозиядан қорғау жөніндегі инженер.
• Құбыржолдар мен мұнай-газ инфрақұрылымы құрылысындағы ӨТБ (ПТО) инженері.
• Құбыржолдарды, резервуарлар мен мұнай базаларын жобалаушы инженер.
• Тасымалдау жүйелерінің диспетчері (SCADA жүйелерінің операторы).
• Өнеркәсіптік және экологиялық қауіпсіздік жөніндегі инженер.
• Резервуарлық парктерге техникалық қызмет көрсету және жөндеу жөніндегі маман.
• Халықаралық құбыржол жобаларының инженері (Каспий Құбыр Консорциумы).
• «ҚазМұнайГаз» ҰК АҚ өндірістік бөлімшелерінің маманы.

ҚАЙДА ЖҰМЫС ІСТЕЙДІ?

Қазақстан — құбыржолдарының ұзындығы бойынша әлемдегі жетекші елдердің бірі. Энергия ресурстары мыңдаған шақырымға тасымалданатындықтан, бұл жүйеге тұрақты түрде білікті инженерлер қажет. Түлектер келесі бағыттарда жұмыс істейді:

• Магистральді мұнай және газ құбырлары желілерінде.
• Мұнай айдау және компрессорлық станцияларда.
• Мұнай базаларында, резервуарлық парктер мен қоймаларда.
• Теңіз және құрлық құбыржол кешендерінде.
• Автоматтандыру және диспетчерлік басқару (SCADA) жүйелерінде.
• Мұнай-газ саласының жетекші құрылыс, жобалау және EPC-подрядчик ұйымдарында.

ҚАЗАҚСТАНДАҒЫ ОРТАША ЖАЛАҚЫ

Стратегиялық маңызы бар бұл сала заманауи цифрлық технологияларды енгізу есебінен қарқынды дамып, мамандардың құнын арттыруда:

• Мансаптың бастапқы кезеңінде: 400 000 – 700 000 тг.
• Тәжірибелі маман (2–4 жыл): 500 000 – 1 500 000 тг.
• Өндіріс басшысы / бас технолог: 1 500 000 тг және одан жоғары.

ЖҰМЫСҚА ОРНАЛАСУҒА АРНАЛҒАН ТОП-КОМПАНИЯЛАР

ALT дипломымен сіз отандық және халықаралық энергетика алпауыттарында жұмыс істей аласыз:

1. «ҚазТрансОйл» АҚ — магистральді мұнай құбырлары жөніндегі ұлттық оператор.
2. «QazaqGaz» ҰК АҚ — магистральді газ құбырлары жөніндегі ұлттық оператор.
3. Каспий Құбыр Консорциумы (КҚК) — халықаралық ауқымдағы ірі мұнай құбыры жобасы.
4. «ҚазМұнайГаз» ҰК АҚ — мұнай мен газды өндіру, тасымалдау және өңдеу жөніндегі бас ұлттық компания.
5. Мұнай-газ саласының жетекші жобалау институттары мен EPC-инжинирингтік кәсіпорындары.

НЕГЕ ALT УНИВЕРСИТЕТІ?

Біз студенттерге тек іргелі теорияны ғана емес, нақты өндірістік дағдыларды сіңіреміз:

• Өндіріс жағдайына бейімделген заманауи зертханаларда білім алу.
• Цифрлық өндіріс пен өнеркәсіптік автоматтандыруды терең меңгеру.
• Сала көшбасшыларының базасында міндетті өндірістік тәжірибеден өту.
• Нақты инфрақұрылымдық және инженерлік жобаларға тікелей қатысу мүмкіндігі.

ALT Университеті — көлік, логистика, инфрақұрылым және техникалық пәндер саласында өзіндік тарихы мен терең мектебі қалыптасқан Қазақстандағы жетекші инженерлік-көліктік жоғары оқу орны.