Докторантураға түсу
Өтініштерді қабылдау кезеңі
Жылына 2 рет
- 3 шілде 3 тамыз
- 25 қазан – 10 қараша
Түсу емтиханын өткізу кезеңі
Жылына 2 рет
- 4 – 20 тамыз
- 19 қараша 11 желтоқсан
Конкурсқа қатысу үшін өтініштерді қабылдау
Жылына 2 рет
- 10 -15 тамыз
- 13 – 25 желтоқсан
Қабылдау
Жылына 2 рет
- күнтізбелік жылдың 28 тамызына дейін
- күнтізбелік жылдың 26 желтоқсанынан 10 қаңтарына дейін
Бейіндік пәндер комбинациясы
| № | ББ дайындау бағыты | ГОП атауы | ББ атауы |
| 1 | Коммуникациялар және коммуникациялық технологиялар | D096 Коммуникациялар және коммуникациялық технологиялар | Радиотехника, электроника және телекоммуникациялар |
| 2 | Инженерия және инженерлік Іс | D099 Энергетика және электртехника | Электр энергетикасы |
| D100 Автоматтандыру және басқару | Автоматтандыру және басқару | ||
| D104 Көлік, көлік техникасы және технологиялары | Көлік, көлік техникасы және технологиялары | ||
| 3 | Көлік қызметтері | D147 Көлік қызметтері | Тасымалдауды, қозғалысты ұйымдастыру және көлікті пайдалану |
| D148 Логистика (салалар бойынша) | Логистика (салалар бойынша) | ||
| 4 | Инженерия және инженерлік Іс | D210 Магистралдық желілер және инфрақұрылым | Көлік инфрақұрылымының инженериясы |
| D310 Көлік құрылыстары | Көлік құрылыстары |
Өтініштерді қабылдау
Докторантураға түсуші тұлғалар 3 шілде мен 3 тамыз аралығында өңірлік тестілеу орталықтарында білім беру бағдарламаларының топтары бойынша түсу емтиханын тапсыру үшін Ұлттық тестілеу орталығының (ҰТО) сайтында тіркеледі және Мұхаметжан Тынышбаев атындағы ALT университеті мынадай құжаттарды тапсырады:
1) өтініш (еркін нысанда);
2) жеке басын куәландыратын құжаттың көшірмесі;
3) білімі туралы құжат (түпнұсқа, құжаттарды қабылдау комиссиясына тапсырған кезде);
4) ҰТО берген мемлекеттік тіл бойынша емтихан тапсырғаны туралы ресми сертификат (ҚАЗТЕСТ);
5) шет тілін меңгерудің жалпыеуропалық құзыреттеріне (стандарттарына) сәйкес шет тілін меңгергенін растайтын халықаралық сертификат:
6) «Денсаулық сақтау саласындағы есепке алу құжаттамасының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген 075-у нысанындағы медициналық анықтама;
7) 3×4 сантиметр көлеміндегі алты фотосурет;
8) кадрларды есепке алу жөніндегі жеке іс парағы немесе жұмыс орны бойынша кадр қызметі куәландырған еңбек қызметін растайтын өзге де құжат;
9) соңғы 3 күнтізбелік жылдағы ғылыми жарияланымдар тізімі, зерттеу жүргізу жоспары.
Осы тармақта көрсетілген құжаттардың көшірмелерімен бірге салыстырып тексеру үшін олардың түпнұсқалары ұсынылады. Салыстырып тексеру жүргізілгеннен кейін құжаттардың түпнұсқалары қайтарылады.
Кейін түсу емтиханын тапсыру үшін тіркелу 1 (бір) рет рұқсат етіледі; ҰТО сайтында қайта тіркелуге жол берілмейді. Құжаттарды қабылдау ҰТО сайтында жүзеге асырылады, оқуға түсуші жеке деректерін толтырады, докторантураға түсу үшін 1 (бір) ЖОО және 1 (бір) ГОП таңдайды, түсу емтиханын тапсыру орнын таңдайды. ҰТО өңірлер бөлінісінде түсу емтихандарының кестесін қалыптастырады. Түсу емтихандарын өткізу бағдарламалары мен кестелері оқуға түсушілердің назарына түсу емтиханы басталғанға дейін 3 (үш) күн бұрын жеткізіледі.
Үміткерлер түсу емтиханын өз таңдауы бойынша қазақ, орыс және ағылшын тілдерінде тапсыра алады, бұл ретте емтиханның барлық блоктары таңдалған тілдердің бірінде болуы тиіс.
Қабылдау емтихандары
Докторантураға түсу емтиханы аймақтық тестілеу орталығының базасында компьютерлік форматта өткізіледі.
4. Докторантураға түсу емтиханы компьютерлік форматта келесі блоктардан тұрады:
– эссе жазу;
– докторантурада оқуға дайындығын анықтауға арналған тест (бұдан әрі-ОДАТ);
– білім беру бағдарламасы тобының бейіні бойынша емтихан сұрақтарына жауаптар;
– ЖЖОКБҰ емтихан комиссиясы өткізетін оқуға түсушімен әңгімелесу.
5. Қабылдау емтиханының ұзақтығы 3 сағат 30 минутты құрайды, оның ішінде:
әңгімелесу үшін – 20 минут;
білім беру бағдарламасы тобының бейіні бойынша эссе және емтихан сұрақтарына жауап жазуға – 190 минут (3 сағат 10 минут).
6. Түсу емтиханы үшін ең жоғары балл – 100 балл, оның ішінде эссе – 10 балл, ОДАТ-30 балл, ББТ бейіні бойынша емтихан-40 балл, ЖЖОКБҰ емтихан комиссиясы өткізетін оқуға түсушімен әңгімелесу – 20 балл.
7. Оқуға түсушілер түсу емтихандарының келесі күні түсу емтихандарының нәтижелерімен жеке кабинеттегі хабарлама арқылы таныса алады.
Білім беру бағдарламаларының топтары бойынша түсу емтиханының бағдарламалары
Докторантураға түсу үшін сұхбат тақырыптары
Білім беру бағдарламаларының топтары бойынша эссенің үлгілік тақырыптары
Қабылдау
Мұхаметжан Тынышбаев атындағы ALT университеті докторантурасына қабылдау күнтізбелік жылдың 15 тамызынан 28 тамызына дейін және 26 желтоқсанынан 10 қаңтарына дейін
Докторанттар қатарына қабылдауды Мұхаметжан Тынышбаев атындағы ALT университеті қабылдау комиссиясы жүзеге асырады.
Тұлғаларды докторантураға ақылы негізде қабылдау шет тілін меңгерудің жалпыеуропалық құзыреттеріне (стандарттарына) сәйкес шет тілін меңгергенін растайтын халықаралық сертификат негізінде және докторантураның білім беру бағдарламалары тобының бейіні бойынша түсу емтиханының қорытындысы бойынша ықтимал 100 балдан кемінде 50 балл жинаған жағдайда жүзеге асырылады.
Мемлекеттік білім беру тапсырысы бойынша докторантурада оқуға түсу емтиханы бойынша кемінде 75 балл жинаған тұлғалар конкурстық негізде қабылданады.
Докторантураға тұлғаларды қабылдау түсу емтиханының нәтижелері бойынша конкурстық негізде жүзеге асырылады.
Конкурстық балдардың көрсеткіштері бірдей болған жағдайда докторантураға қабылдау кезінде білім беру бағдарламасы тобының бейіні бойынша емтихан бойынша неғұрлым жоғары баға алған адамдар басым құқыққа ие болады.
Бейінді емтихан үшін көрсеткіштер бірдей болған жағдайда білім беру бағдарламасының бейініне сәйкес келетін ғылыми жетістіктер: ғылыми жарияланымдар, оның ішінде Clarivate Analytics компаниясының Web of Science дерекқорына кіретін рейтингтік ғылыми басылымдарда, КОКСОН басылымдарында соңғы күнтізбелік 3 жылдағы ғылыми әзірлемелер туралы куәліктер; ғылыми стипендиялар, гранттар беру туралы сертификаттар; ғылыми конференциялар мен конкурстарға қатысқаны үшін грамоталар/дипломдар ескеріледі.
Докторантураның білім беру бағдарламалары бойынша
ақылы негізде 2024-2025 оқу жылына
ОҚУ ҚҰНЫ
|
Коммуникациялар және коммуникациялық технологиялар |
D096 Коммуникациялар және коммуникациялық технологиялар |
Радиотехника, электроника және телекоммуникациялар |
2 200 000 |
|
Инженерия және инженерлік Іс |
D099 Энергетика және электртехника |
Электр энергетикасы |
2 200 000 |
|
D100 Автоматтандыру және басқару |
Автоматтандыру және басқару |
2 200 000 |
|
|
D104 Көлік, көлік техникасы және технологиялары |
Көлік, көлік техникасы және технологиялары |
2 200 000 |
|
|
Көлік қызметтері |
D147 Көлік қызметтері |
Тасымалдауды, қозғалысты ұйымдастыру және көлікті пайдалану |
2 200 000 |
|
D148 Логистика (салалар бойынша) |
Логистика (салалар бойынша) |
2 200 000 |
|
|
Инженерия және инженерлік Іс |
D210 Магистралдық желілер және инфрақұрылым |
Көлік инфрақұрылымының инженериясы |
2 200 000 |
|
D310 Көлік құрылыстары |
Көлік құрылыстары |
2 200 000 |
Зерттеу бағыты бойынша ғылыми кеңесшіні таңдаңыз
Шетелдік білім алушыларға
Шетелдіктерді магистратураға және докторантураға қабылдау ақылы негізде жүзеге асырылады. Шетелдіктердің мемлекеттік білім беру тапсырысына сәйкес конкурстық негізде тегін жоғары оқу орнынан кейінгі білім алуы, магистратура бағдарламалары бойынша стипендиялық бағдарламаны қоспағанда, Қазақстан Республикасының халықаралық шарттарымен айқындалады.
Шетел азаматтарын ақылы негізде оқуға қабылдау Мұхаметжан Тынышбаев атындағы ALT университеті қабылдау комиссиясы күнтізбелік жыл ішінде өткізетін әңгімелесу нәтижелері бойынша жүзеге асырылады. Шетел азаматтарын қабылдау академиялық күнтізбеге сәйкес келесі академиялық кезең басталғанға дейін 5 (бес) күн бұрын жүзеге асырылады.
Шетелдік білім беру ұйымдары берген білім туралы құжаттар Қазақстан Республикасы Білім және ғылым министрінің 2008 жылғы 10 қаңтардағы №8 бұйрығымен бекітілген Білім туралы құжаттарды тану және нострификациялау қағидаларына сәйкес заңнамада белгіленген тәртіппен танылады немесе нострификацияланады.
Шет тіліндегі құжаттар нотариат куәландырған қазақ немесе орыс тіліндегі аудармасымен қоса ұсынылады.
Білім алудың артықшылықтары
Көлік, коммуникациялар және логистика саласындағы 8 білім беру бағдарламасы
Білім жақсылардың жақсысына
Барлық бағдарламалар аккердитациядан өткен
Толық қанды білім беру бағдарламалары
Нетворкинг
Ағылшын тілінде білім алу
Шетелдік тағылымдама
Ғылыми зерттеу жұмыстары
Әлемнің беделді ғалымдары – докторанттардың шетелдік жетекшілері
Танылған диплом, беделді ғылыми доктор дәрежесі
Жетекші қазақстандық және әлемдік ғылыми журналдарында басылымдардың шығуы
Докторлық бағдарламаның түлектері – Қазақстан мен Орталық Азияның көлік, коммуникациялар және логистика саласындағы ғылыми және іскерлік элита
Қолжетімді оқу ақысы, қолайлы төлем шарттары
Гранттар, стипендиялар, жеңілдіктер
Жеңілдіктер
ДОКТОРАНТУРАҒА ТҮСУШІЛЕР ҮШІН ЖЕҢІЛДІКТЕР БЕРУ
| Сипаттамасы | Жеңілдік мерзімі | Жеңілдік, % |
| Мұхаметжан Тынышбаев атындағы ALT университеті штаттық қызметкерлері мен Мұхаметжан Тынышбаев атындағы ALT университеті еншілес ұйымдарының қызметкерлері үшін, докторантураны бітіргеннен кейін 3 жыл жұмыс істеуге келіскен жағдайда (шетелдік ғылыми тағылымдама докторанттың жеке қаражаты есебінен) | Оқудың барлық кезеңі | 50 % |
Құжаттарды тапсыру мерзімі: ағымдағы оқу жылының 28 тамызына дейін.
Қажетті құжаттар:
Тиісті жеңілдікке үміткер Мұхаметжан Тынышбаев атындағы ALT университеті қабылдау комиссиясына мынадай құжаттарды тапсырады:
– Президент-Ректордың атына белгіленген үлгідегі өтініш;
– жауапты хатшының қолымен және ҚК мөртабасымен (мөрімен) куәландырылған диплом көшірмесі;
– жұмыс орнынан анықтама (қызметкерлер үшін);
– 1 жыл жұмыс істеуге келіскен міндеттеме.
Оқыту және зерттеу
Мұхаметжан Тынышбаев атындағы ALT университеті докторлық бағдарламалары-бұл ғылыми, ғылыми-педагогикалық, өндірістік және инновациялық қызмет салалары үшін жоғары ғылыми білікті кадрларды элиталық даярлау.
Қазіргі заманғы докторлық бағдарламалар 2000-шы жылдардың басында, Мұхаметжан Тынышбаев атындағы ALT университеті базасында аспирантурада жоғары білікті ғылыми кадрларды даярлау басталып, кандидаттық және докторлық диссертацияларды қорғау бойынша диссертациялық кеңестер және оқытуда да, ғылыми зерттеулерде де заманауи инновациялар ашылған кездегі дәстүрлерді біріктіреді.
Бүгінгі таңда Мұхаметжан Тынышбаев атындағы ALT университеті докторлық бағдарламалары, бұл:
✓ 3 жылға арналған бай оқу бағдарламасы.
✓ Жоғары білікті профессор-оқытушылар құрамын, оның ішінде жетекші шетелдік жоғары оқу орындары мен ғылыми орталықтардан шақырылған шетелдік профессорларды оқыту
✓ Ұлттық компаниялардың, ірі бизнес-холдингтердің талаптарына сәйкес бағдарламалар
✓ Докторанттардың диссертациялық зерттеулеріне жетекші профессорлар, ғылым докторлары мен кандидаттары және шетелдік серіктес университеттер жетекшілік етеді
✓ Зерттеу қызметі және жоғары ғылыми белсенділік
✓ АҚШ, Еуропа, Жапония, Қытай, Корея, Ресей және басқа елдердің жетекші ғылыми-білім беру орталықтарында шетелдік ғылыми тағылымдамалар
✓ Ғылыми нәтижелерді жариялау үшін ҚР БҒМ БҒСБК ұсынған басылымдар тізбесіне кіретін «ҚазККА жаршысы» ғылыми журналында зерттеу нәтижелерін жариялау, халықаралық ғылыми конференциялар еңбектерінің жинақтарында, ҚР Кітап палатасында тіркелген, ISBN бар, халықаралық рейтингтік журналдарда.
✓ Беделді диплом
Барлық зерттеулер Қазақстандағы ғылым мен техника дамуының басым бағыттарына сәйкес келеді:
➣ көлік инфрақұрылымын дамыту, Логистикалық хабтар құру
➣ автомобиль және темір жол құрылысы
➣ Сандық Қазақстан
➣ энергия тиімділігі және энергия үнемдеу, Жасыл экономика
Зерттеу бағытын таңдаңыз:
Көлік қызметтері
8D11361 көлікті пайдалану және жүк қозғалысы мен тасымалдауды ұйымдастыру
8D11362 Логистика (салалар бойынша)
Инженерия және инженерлік Іс
8D07158 Автоматтандыру және басқару
8D07159 Көлік, көлік техникасы және технологиялары
8D07160 Электр энергетикасы
Көлік инфрақұрылымының инженериясы
Көлік құрылыстары
Коммуникациялар және коммуникациялық технологиялар
8D06255 Радиотехника, электроника және телекоммуникациялар
Мұхаметжан Тынышбаев атындағы ALT университеті әлемдік деңгейдегі аккредиттелген ғылыми-зерттеу зертханалары бар:
Жасанды құрылыстарды тексеру және сынау саласында
- Бетонның қорғаныш қабатының сыртқы түрін, геометриялық өлшемдерін, беріктігі мен қалыңдығын, бетон және темірбетон конструкциялары арматурасының орналасуы мен бөлінуін аспаптық өлшеу және бақылау жүргізу;
- Бетонның сыртқы түрін, геометриялық өлшемдерін, беріктігі мен қалыңдығын, кірпіш пен керамикалық тастардан жасалған қабырға блоктары мен панельдер арматурасының орналасуы мен бөлінуін аспаптық өлшеу және бақылау жүргізу;
- Сынамаларды іріктеу, тығыздығын, ылғалдылығын, аққыштық шекарасын, жайылу шекарасын, гранулометриялық құрамын, шөгуін, топырақтың беріктігі мен деформациялануының сипаттамасын анықтау. Сынақ нәтижелерін статистикалық өңдеу;
- Темір жол және жаяу жүргіншілер көпірлерінің темір жол және темір жол құрылыстарының майысуларын, кернеулерін, орын ауыстыруларын, динамикалық сипаттамаларын, элементтерінің сыныбын, рұқсат етілген қозғалыс жылдамдығын анықтау, темір жол және жаяу жүргіншілер көпірлерінің темір жол және темір жол құрылыстарының жүк көтергіштігін (есептік әдісі) бағалау;
- Көпір тіректерінің ақауларын, пайдаланылатын теміржол көпір тіректерінің жүк көтергіштігін анықтау.
Табиғат қорғау қызметі және өндірістік үй-жайларды еңбек жағдайлары бойынша аттестаттау саласында
- Атмосфераға ластаушы заттардың шығарындыларына аспаптық бақылау жүргізу (мамандандырылған жабдықты қолдана отырып, атмосфералық ауаға зиянды заттардың шығарылуын немесе оған зиянды физикалық әсерді өлшеу);
- Шекті жол берілетін шығарындылар нормативтерінің жобасын әзірлеу жөніндегі қызметтер;
- Өндірістік экологиялық бақылау бағдарламасын әзірлеу жөніндегі қызметтер;
- Ластаушы заттар шығарындыларының шекті лимиттерінің сақталуын бақылау қызметтері;
- Атмосфераға ПГ шығарындыларының көздерін түгендеу қызметтері;
- Парниктік газдарды түгендеу паспортын әзірлеу (СК 315, 317-баптарына сәйкес жүргізіледі);
- Парниктік газдар есебі;
- Қауіпті қалдықтарды паспорттау;
- Еңбек жағдайлары бойынша жұмыс орындарын аттестаттау.
Бағдарламалық құралдардың қауіпсіздігі саласында
- Бағдарламалық құжаттаманы сараптау;
- Бағдарламалық құжаттаманың сапасын бағалау;
- Статикалық және динамикалық талдау;
- Бағдарламалық жасақтама қауіпсіздігі функциясы.
Мұхаметжан Тынышбаев атындағы ALT университеті Қабылдау комиссиясы: Алматы қ., Шевченко 97, бас оқу ғимараты, 1 қабат. Шевченко және Масанчи көшелерінің қиылысы жағынан кіреберіс
Жұмыс уақыты:
ДС – ЖМ: 08:30 – 18:00
СН – ЖК: 09:00 – 17:00
Телефон +7 707 888 1931, 8 727 292 0707 пошта info@alt.edu.kz
Қабылдау комиссиясының өкілдіктері:
Астана қ., Гете к-сі 10А, +7 (7172) 94 28 23, 943487,
Ақтау қаласы, ш / а 9 Д. 24, +7 (7292) 43 60 57,
Ақтөбе қаласы, Смағұлов көшесі 5в, +7 (7132) 21 14 00,
Шымкент қаласы, Аймауытов көшесі, 1, +7 (7292) 31-10-51, +7 7252 92 19 19.
