«Live Band» аспаптық музыкалық клубы – студенттердің ерікті шығармашылық бірлестігі. Клуб қызметі студенттердің музыкалық-шығармашылық әлеуетін дамытуға, сахна мәдениетін қалыптастыруға және жанды аспаптық өнерді насихаттауға бағытталған.

Мақсаты

Студенттер арасында аспаптық музыкалық өнерді дамыту, шығармашылық бастамаларды қолдау және белсенді студенттік ортаны қалыптастыру.

Негізгі міндеттері

• ансамбльдік және жеке орындаушылық дағдыларын дамыту;
• сахна мәдениетін және кәсіби мінез-құлықты қалыптастыру;
• концерттік бағдарламалар ұйымдастыру және университеттік іс-шараларға қатысу;
• дарынды студенттерді анықтау және қолдау;
• қалалық және жоғары оқу орындары арасындағы байқауларға қатысу;
• командалық жұмыс пен көшбасшылық қасиеттерді дамыту.

Клуб мүшелерінің міндеттері:

• тәртіпті сақтау;
• репетицияларға тұрақты қатысу;
• клуб іс-шараларына белсенді араласу;
• музыкалық жабдықтарға ұқыпты қарау.

Клуб қызметі және ТДМ-ға қосқан үлесі

«Live Band» клубы Тұрақты даму мақсаттарына (ТДМ) өз үлесін қосады:

ТДМ 4 — Сапалы білім беру

Шығармашылық құзыреттерді дамыту, бейресми білім беру, студенттердің мәдени деңгейін арттыру.

ТДМ 11 — Тұрақты қалалар мен қауымдастықтар

Қалалық мәдени іс-шараларға қатысу, мәдени ортаны дамыту.

ТДМ 17 — Тұрақты даму мақсаттарындағы әріптестік

Басқа студенттік ұйымдармен және сыртқы шығармашылық алаңдармен ынтымақтастық орнату.