«Отбасы» Демалыс орталығының жетекшісі және психолог Илиясова Гүлмира Баймұратқызымен «Абьюзер мен агрессорды қалай тануға болады?» тақырыбында кездесу. ALT Университетінің қабырғасында ағымдағы жылдың 25 сәуірінде «Сенім» клубының ұйымдастыруымен, тұрақты дамуы мақсатының 5-тармағының аясында «Абьюзер мен агрессорды қалай тануға болады?» тақырыбында қыздарға арналған семинар- тренинг өтті. Семинар-тренингте психолог және «Отбасы» Демалыс орталығының жетекшісі Ильясова Гүлмира Баймұратқызы қыздарға өз ортасының адамдарын, оның ішінде туыстары мен достарын танудың маңыздылығын айтып берді. Дәріскер қыздарға адамдарды тануды үйретті, өздерінің ішкі әлемін түсінуге, өзін-өзі тануға, қорқыныш пен мазасыздықты жеңуге көмектесті. Тренинг қатысушыларына алынған ақпарат өте ұнады.
