ТДМ 4 «Сапалы білім» мақсатын іске асыру аясында 2026 жылғы 17 сәуірде М. Тынышпаев атындағы ALT Университетінде «Ақпараттық-коммуникациялық технологиялар» кафедрасы «6В061 – Ақпараттық-коммуникациялық технологиялар» даярлау бағытын дамыту перспективалары» тақырыбында форсайт-сессия өткізді.
Іс-шараға цифрлық экономиканың негізгі салаларында финтех, телекоммуникация, IT-әзірлеу, білім беру және өнеркәсіп салаларында жұмыс істейтін еліміздің жетекші компанияларының өкілдері қатысты. Олардың қатарында: «Halyk Bank» АҚ, «Altyn Bank» АҚ, «Freedom Bank» АҚ, «Kcell» АҚ, «QSTEM» ЖШС, «Juz40 Education» ЖШС, «QAZAQ Investment Company» ЖШС, «Energy System Logistics» ЖШС, «GameChanger» ЖШС, «Hyper Technology» ЖШС, сондай-ақ университеттердің бағдарламалық қамтамасыз ету бөлімдерінің басшылары болды. Қатысушылар қатарында мол тәжірибесі бар және саланың өзекті үрдістерін терең түсінетін сарапшылар мен басшылар қатысты.
Сессия барысында кафедраның білім беру бағдарламалары қарастырылды: 6В06116 — «Ақпараттық жүйелер», 6В06118 — «Бағдарламалық инженерия» және 6В06126 — «Қолданбалы жасанды интеллект». Қатысушылар пәндердің мазмұнын талқылап, еңбек нарығының заманауи талаптарын ескере отырып жаңартулар ұсынды, сондай-ақ студенттердің тәжірибеге бағытталған даярлығын күшейту қажеттігін атап өтті.
Индустриямен өзара іс-қимыл мәселелеріне ерекше назар аударылды. Талқылау қорытындысы бойынша студенттердің қатысушы компанияларда өндірістік тәжірибеден өтуі, сондай-ақ ынтымақтастықты одан әрі дамыту жөнінде келісімдерге қол жеткізілді.
Жақын уақытта «АКТ» кафедрасы алынған ұсыныстарды ескере отырып оқу жоспарларын жаңартуды, сондай-ақ серіктестік келісімдер жасау жұмысын жандандыруды жоспарлап отыр. Бұл тәжірибелер ұйымдастыруды, нақты кейстер негізінде дипломдық жобалар әзірлеуді, қонақ дәрістер мен бірлескен хакатондар өткізуді қамтиды.
Мұндай өзара іс-қимыл студенттерге өзекті білім алып қана қоймай, оқу барысында құнды тәжірибелік дағдыларды меңгеруге мүмкіндік береді.
Кафедра форсайт-сессияның барлық қатысушыларына белсенді қатысқаны, кәсіби диалог жүргізгені және білім беру бағдарламаларын дамытуға қосқан үлесі үшін алғыс білдіреді. Ақпараттық технологиялар саласында табыс пен жаңа жетістіктер тілейміз!
