ALT Мұхамеджан Тынышбаев атындағы университетінде Сейсмологиялық бақылаулар мен зерттеулердің ұлттық ғылыми орталығының (СБЗҰҒО) өкілдерімен кездесу өтіп, оның аясында білім беру, ғылым және жоғары білікті мамандар даярлау саласындағы серіктестікті дамытуға бағытталған ынтымақтастық туралы меморандумға қол қойылды.
Меморандумға қол қою университет пен Қазақстандағы сейсмология, геофизика және табиғи үдерістерді мониторингтеу саласында кешенді зерттеулер жүргізетін жетекші ғылыми ұйымдардың бірі арасындағы өзара іс-қимылды кеңейтудегі маңызды қадам болды.
Кездесу барысында тараптар ынтымақтастықтың келешегі зор бағыттарын талқылады. Атап айтқанда:
- студенттердің оқу, өндірістік және зерттеу тәжірибелерін ұйымдастыру;
- бірлескен ғылыми-зерттеу жобаларын іске асыру;
- қонақ дәрістерін, семинарларды, дөңгелек үстелдерді және ғылыми-практикалық конференцияларды өткізу;
- СБЗҰҒО мамандарының білім беру үдерісі мен сараптамалық қызметке қатысуы;
- геоақпараттық технологиялар, геодезия, геология, инженерлік ізденістер және табиғи үдерістерді мониторингтеу бағыттарындағы академиялық және кәсіби ынтымақтастықты дамыту.
Кездесуде студенттердің тәжірибелік даярлығына ерекше назар аударылды. Ынтымақтастық аясында ALT Университетінің студенттері орталықтың жетекші мамандарының жетекшілігімен тәжірибеден өтіп, ғылыми зерттеулерге қатысуға, сейсмологиялық мониторингтің заманауи әдістерімен танысуға және алған білімдерін өзекті инженерлік міндеттерді шешуде қолдануға мүмкіндік алады.
Екі ұйымның басшылығы университеттің білім беру әлеуеті мен Ұлттық ғылыми орталықтың ғылыми-зерттеу мүмкіндіктерін біріктіру мамандар даярлау сапасын арттыруға, білім беру үдерісінің ғылыми құрамдасын күшейтуге және бірлескен жобаларды іске асыруға жаңа мүмкіндіктер ашатынын атап өтті.
ALT Мұхамеджан Тынышбаев атындағы университеті еліміздің жетекші ғылыми ұйымдары мен кәсіпорындарымен серіктестікті жүйелі түрде кеңейтіп, студенттер мен оқытушылардың кәсіби дамуына, ғылыми қызметіне және тәжірибеге бағытталған білім алуына қолайлы жағдай жасауды жалғастыруда. Сейсмологиялық бақылаулар мен зерттеулердің ұлттық ғылыми орталығымен жасалған меморандум ғылымды, білім беруді дамытуға және көлік, инженерия мен геоақпараттық технологиялар салалары үшін бәсекеге қабілетті мамандар даярлауға жаңа серпін береді.
