2026 жылдың 14 сәуірінде «ALT Университеті» АҚ Көлік және құрылыс институтының «Көлік құрылысы» кафедрасында Студенттердің ғылыми-зерттеу жұмыстары (СҒЗЖ) бойынша кезекті комиссия отырысы өтті.
Жиын барысында 6В07128 – ЖППХ (Темір жолдар және жол шаруашылығы) және 6В07129 – МТМ (Көпірлер, тоннельдер мен метрополитендер) білім беру бағдарламалары бойынша білім алып жатқан студенттердің 11 ғылыми жобасы қаралды.
Комиссия төрағасы, т.ғ.д., профессор С.С. Хасенов атап өткендей, биылғы ұсынылған жұмыстардың өзектілігі жоғары және олар көлік саласының заманауи техникалық талаптарына толық жауап береді. Әсіресе, теміржол рельстерінің диагностикасы мен көпір конструкцияларының төзімділігін зерттеуге бағытталған жұмыстарға ерекше назар аударылды.
Зерттеулер нәтижесі бойынша үздік деп танылғандар:
- I орын: Қаныбек А.М. (Ғылыми жетекшісі: т.ғ.к., ассоц. проф. Г.Т. Найманова);
- II орын: Ныгметолла И. (Ғылыми жетекшісі: т.ғ.д., проф. С.С. Хасенов);
- III орын: Сулейменов Н.К. (Ғылыми жетекшісі: Г.С. Бихожаева).
Комиссия мүшелері студенттердің теориялық дайындығын жоғары бағалап, үздік жұмыстарды республикалық конференциялар мен ғылыми басылымдарға ұсыну туралы шешім қабылдады. Жас ізденушілердің бұл қадамдары еліміздің көлік-логистикалық әлеуетін дамытуға қосылатын үлкен үлес болмақ.
