Мұхамеджан Тынышпаев атындағы ALT University Алматы қаласы Білім басқармасының «Білім берудегі жаңа технологиялардың қалалық ғылыми-әдістемелік орталығы» ШЖҚ МКК-мен өзара ынтымақтастық туралы меморандумға қол қойды.
Құжатқа ALT University Басқарма төрағасы – Ректоры Меруерт Жармағамбетова және Білім берудегі жаңа технологиялардың қалалық ғылыми-әдістемелік орталығы директорының міндетін атқарушы Ардак Смағұлова қол қойды.
Меморандумға қол қою білім беру, жастарға кәсіптік бағдар беру, сұранысқа ие мамандарды даярлау саласындағы ұзақ мерзімді әрі тиімді серіктестікті дамытуға және білім беру ортасы мен заманауи еңбек нарығы арасындағы өзара іс-қимылды нығайтуға бағытталған.
Тараптар инженерлік, IT, көлік-логистикалық және бизнес-білім беруді дамытуға, сондай-ақ Алматы қаласының мектеп оқушылары мен жастары арасында техникалық және инновациялық мамандықтарды дәріптеуге бағытталған бастамаларды бірлесіп жүзеге асыруға келісті.
Ынтымақтастық аясында ауқымды кәсіптік бағдар беру жұмыстарын жүргізу жоспарлануда: қала мектептері мен колледждерінде көшпелі кездесулер, таныстырылымдар, білім беру іс-шаралары мен кеңестер ұйымдастырылады. Оқушыларға ерте кәсіптік бағыт-бағдар беруге және олардың инженерлік-технологиялық даярлық бағыттарына деген қызығушылығын қалыптастыруға ерекше назар аударылады.
Сонымен қатар, меморандум оқушылар, студенттер, педагогтар мен кәсіптік бағдар беруші мамандарға арналған бірлескен семинарлар, форумдар, шеберлік сабақтарын, ғылыми-білім беру конференциялары мен практикалық сабақтар өткізуді қарастырады. ALT University базасында оқушыларға заманауи инженерлік мамандықтармен және университеттің білім беру инфрақұрылымымен жақыннан танысуға мүмкіндік беретін кәсіби сынамалар мен танысу бағдарламаларын ұйымдастыру жоспарланған.
Ынтымақтастықтың негізгі бағыттарының бірі адам капиталын дамыту және педагог кадрлардың біліктілігін арттыру болмақ. Тараптар заманауи білім беру технологиялары, цифрландыру және оқушыларды кәсіби диагностикалау мәселелері бойынша педагогтар, мектеп психологтары мен білім беру жүйесінің мамандарына арналған мамандандырылған оқыту бағдарламаларын, тренингтер мен әдістемелік семинарларды жүзеге асыруға ниетті.
Меморандум сондай-ақ студенттердің өндірістік және диплом алдындағы практикасын ұйымдастыру, қаланың кәсіпорындарымен және индустриялық серіктестерімен өзара іс-қимылды дамыту, сондай-ақ түлектердің жұмысқа орналасуына ықпал ету бойынша бірлескен жұмыстарды қарастырады.
ALT University бұл меморандумға қол қою университет пен қалалық білім беру жүйесі арасындағы ынтымақтастықты нығайтудағы маңызды қадам болатынын, сондай-ақ жастардың кәсіби дамуына, мамандарды даярлау сапасын арттыруға және Алматыда заманауи білім беру экожүйесін қалыптастыруға жаңа мүмкіндіктер ашатынын атап өтті.
