ALT University бизнеспен және кәсіби қоғамдастықпен өзара әрекеттестікті кеңейтуде. Университетте отандық SAMGA Petroleum компаниясының және «Болашақ» қауымдастығының өкілдерімен кездесу өтіп, оның қорытындысы бойынша екі жақты ынтымақтастық туралы меморандумдарға қол қойылды.
ALT University тарапынан кездесуге Басқарма төрағасы – Ректор Меруерт Жармағамбетова, Академиялық қызмет жөніндегі проректор Шамиль Абдрешов, Корпоративтік және әлеуметтік даму жөніндегі проректор Андрей Иванов, ҚР ҰҒА академигі, т.ғ.д., профессор, Көлік ғылымдары мен технологиялары институтының директоры Бағдат Телтаев, профессор-оқытушылар құрамының өкілдері, мектеп директорлары мен департамент басшылары қатысты.
SAMGA Petroleum компаниясын Бас директор Жәнібек Кәтренов, Өндіріс жөніндегі директордың орынбасары Арман Аралов және Бас директордың ғылым жөніндегі кеңесшісі Әуез Егембердіұлы Әбетов — қазақстандық геофизик-ғалым, геология-минералогия ғылымдарының докторы, профессор және ҚР ҰҒА академигі таныстырды.
Жәнібек Кәтренов сонымен қатар халықаралық білім беру бағдарламасының түлектерін біріктіретін және білім мен ғылым, кәсіпкерлік, денсаулық сақтау, мәдениет және басқа да бағыттардағы бастамаларды қолдайтын «Болашақ» қауымдастығы Кеңесінің төрағасы болып табылады.
Кездесу барысында SAMGA Petroleum өкілдері геофизика мен сейсмобарлаудың заманауи технологиялары туралы айтып берді. Геофизикалық деректерді жинау үшін қолданылатын STRYDE сейсмоқабылдағыштарының тұсаукесері қатысушылардың ерекше қызығушылығын тудырды. Тараптар өзекті өндірістік міндеттер мен технологиялық шешімдерді білім беру процесіне интеграциялау мүмкіндіктерін талқылады.
Диалогтың жекелеген бағыттары инженерлік білім беру, көлік логистикасы, ақпараттық технологиялар және телекоммуникациялар болды. Тараптар студенттердің кәсіби және дипломалды практикасын ұйымдастыру, салалық сарапшылардың қатысуымен гостевой лекциялар өткізу, практикамға негізделген кейстерді әзірлеу және түлектерді жұмысқа орналастыру мүмкіндіктерін кеңейту перспективаларын қарастырды.
Қонақтар үшін ALT University бойынша кампус-тур ұйымдастырылды. Олар университеттің инфрақұрылымымен, білім беру мүмкіндіктерімен және мамандарды даярлау бағыттарымен танысты.
Кездесу қорытындысы бойынша университет екі ынтымақтастық меморандумына қол қойды:
-
SAMGA Petroleum компаниясымен келісім білім беру мен өндіріс арасындағы байланысты нығайтуға, студенттердің практикалық дайындығын дамытуға және сала өкілдерімен өзара әрекеттестікке бағытталған.
-
«Болашақ» қауымдастығымен меморандум бірлескен білім беру мен сараптамалық бастамаларға, кәсіби тәжірибе алмасуға және университет жобаларына іскерлік пен ғылыми қоғамдастық өкілдерін тартуға негіз қалайды.
Компаниялармен және кәсіби бірлестіктермен серіктестікті дамыту ALT University-ге білім берудің практикалық құраушысын нығайтуға, студенттер үшін мүмкіндіктерді кеңейтуге және Қазақстан экономикасының өзекті қажеттіліктерін ескере отырып мамандарды даярлауды жетілдіруге мүмкіндік береді.
Автор: Алия Ерлан
