2026 жылғы 21 тамызда Алматыда Қазақстан Республикасы Ғылым және жоғары білім министрлігінің қолдауымен Қазақстан Республикасы Банктер қауымдастығы ұйымдастырған «Жұмыс болашағы: бизнес және университеттер» іскерлік форумы өтті.
Форум басын университеттер мен бизнес-құрылымдардың басшылары, қаржы-банк, энергетика, мұнай-газ, тау-кен өндірісі мен IT салаларының өкілдері, сондай-ақ бизнес-білім беру саласындағы отандық сарапшылар қосты.
М. Тынышпаев атындағы ALT Университетінің құрылтайшысы Гүлзана Серікова форумға спикер ретінде қатысып, университет ұстанымын таныстырды және заманауи еңбек нарығында сұранысқа ие мамандарды даярлау тәжірибесімен бөлісті. Пікірталасқа қатысу бизнес пен жоғары білім берудің өзара іс-қимылының өзекті мәселелерін, адам капиталын дамытуды және қарқынды технологиялық әрі экономикалық өзгерістер жағдайында тиімді жұмыс істеуге қабілетті мамандарды даярлаудың жаңа тәсілдерін талқылауға мүмкіндік берді.
Лабораториялардағы жұмыс форумның бөлек практикалық блогына айналды, оған ALT University Мансапты дамыту бөлімінің басшысы Айгүл Сұлтанғужиева қатысты. Практикалық бөлім университеттер мен жұмыс берушілерге студенттер мен түлектердің құзыреттіліктерін дамыту мәселелерінде тиімдірек өзара әрекеттесуге көмектесетін шешімдер мен құралдарды бірлесіп іздеуге бағытталды.
Жасанды интеллекттің, цифрландырудың және қызметпен қамтудың жаңа модельдерінің әсерінен заманауи еңбек нарығының өзгеруі форумның басты тақырыптарының біріне айналды. Бүгінде тек мамандықтар ғана емес, сонымен қатар мамандарға қойылатын талаптар да өзгеруде: жұмыс берушілерге тез бейімделуге, жаңа технологияларды меңгеруге, пәнаралық командаларда жұмыс істеуге және кешенді міндеттерді шешуге қабілетті қызметкерлер қажет.
Осындай жағдайда университеттер мен бизнес жүйелі серіктестік орнатуы тиіс. Сондықтан форумға қатысушылар білім беру бағдарламаларын жаңартудың, түлектер мен оқытушылардың құзыреттіліктерін дамытудың, сондай-ақ заманауи технологияларды қолдана отырып дуалды оқытуды жетілдірудің практикалық тәсілдерін талқылады.
Форум қорытындысы бойынша оқу бағдарламаларын сапалы жаңарту жөніндегі практикалық ұсынымдарды, түлектер мен оқытушылардың құзыреттіліктерін жедел дамыту құралдарын, сондай-ақ университеттер мен жұмыс берушілер арасындағы өзара іс-қимылдың жаңа форматтарын қамтитын Жол картасын әзірлеу жоспарлануда.
ALT University үшін мұндай кәсіби алаңдарға қатысу — бұл бизнес пен білім беру қоғамдастығының өкілдерімен тәжірибе алмасып қана қоймай, білім беру мен еңбек нарығының шынайы қажеттіліктерін жақындастыруға көмектесетін жаңа серіктестіктерді қалыптастыру мүмкіндігі.
ALT University студенттерге өзекті құзыреттерді алуға және табысты кәсіби мансап құруға мүмкіндік туғыза отырып, жұмыс берушілермен және бизнес-қоғамдастықпен өзара іс-қимылды дамытуды жалғастырады.
