24 ақпан күні М. Тынышпаев атындағы ALT Университетінде «Инженер-жолшының мансаптық жолы: бітірушіден басшыға дейін» тақырыбында автожол бағытындағы студенттерге арналған қонақ дәрісі өтті. Спикер болып «ҚазАвтоЖол» ҰК» АҚ Ақмола облыстық филиалының директоры Хамзат Жастайұлы Сұлтанов сөз сөйлеп, студенттермен өзінің кәсіби тәжірибесімен бөлісті, жол-көлік саласындағы мансаптың қалыптасуы, кәсіби өсудің негізгі кезеңдері, сондай-ақ жас мамандарға қойылатын заманауи талаптар туралы айтты.
Дәріс барысында жол инфрақұрылымын дамыту, түлектерді жұмысқа орналастыру перспективалары, ұлттық компаниялардағы жұмыс ерекшеліктері және инженер-жолшының кәсіби қызметіндегі практикалық дағдылардың маңыздылығы мәселелері қаралды. Көшбасшылық, жауапкершілік және үнемі кәсіби жетілдіру мәселелеріне ерекше назар аударылды. Студенттер қызығушылық тудыратын сұрақтар қоюға және тәжірибелі басшыдан құнды ұсыныстар алуға мүмкіндік алды. Мұндай іс-шараларды өткізу университет пен өндіріс арасындағы байланысты нығайтуға ықпал етеді, сондай-ақ болашақ мамандарға өздерінің кәсіби траекторияларын жақсы бағдарлауға көмектеседі.
