Ауған соғысы мыңдаған жас азаматтар үшін ауыр сынақ болды. Олар Отан бұйрығын орындап, әскери қызметке аттанды, алда қандай қиындықтар күтіп тұрғанын толық түсіне бермеді. Алайда ең қиын жағдайларда олар табандылық, жанқиярлық, антқа адалдық пен жауынгерлік бауырластықты көрсетті.
Қаза тапқан жауынгерлердің рухы біздің жүрегімізде мәңгі сақталады. Олардың ерлігі — шынайы патриотизмнің, батылдық пен ел мен халық алдындағы жауапкершіліктің үлгісі. Бұл естелікті сақтау, оны жас ұрпаққа жеткізу — біздің қасиетті борышымыз. Тарих сабақтары ешқашан ұмытылмауы тиіс.
Бүгінде Мұхамеджан Тынышпаев атындағы ALT университетінің ұжымында ауған соғысының ардагерлеріне құрмет көрсетілуде: запастағы полковник Ишанов Е.Х. — Әскери іс институтының басшысы, отставкадағы полковник Ермекбаев Е.Х. — ӘӘИ аға оқытушысы, Тойлыбаев А.Е. — «Автокөлік құралдары және тіршілік қауіпсіздігі» кафедрасының меңгерушісі, Калиев С.З. — Инфрақұрылымды басқару департаментінің қызметкері, сондай-ақ интернационалист жауынгерлер: запастағы полковник Сексенбаев Н.М. — Әскери іс институты бастығының орынбасары, отставкадағы полковник Тимошенков В.А. — ӘӘИ аға оқытушысы. Олар — ауыр сынақтардан өтіп, ар-намысын, рух күшін және әділдікке деген сенімін сақтай білген жандар. Олар — тарихтың тірі куәгерлері, жастар үшін батылдық пен төзімділіктің үлгісі.
Біз олардың қызметі, бейбітшілік пен тұрақтылыққа қосқан үлесі, белсенді азаматтық ұстанымы және жас ұрпақты патриоттық тәрбиелеудегі еңбегі үшін шынайы алғыс білдіреміз.
Бұл күн еске алу, құрмет және алғыс күніне айналсын. Барлық соғыс ардагерлеріне зор денсаулық, бейбіт өмір, амандық және жарқын болашақ тілейміз. Еліміздің аспаны әрдайым ашық болсын.
Ауған соғысының сабақтары:
- Қоғам Ауған соғысын тарихтың күрделі әрі қайғылы сабағы ретінде есте сақтауы тиіс. Бұл — өз борышын адал атқарған сарбаздардың ерлігі мен жанқиярлығы туралы естелік және саяси шешімдердің салдарын түсіну.
- Ауған соғысының басты сабағы — саяси шешімдерді байыппен қабылдау және олардың салдары үшін жауапкершілікті сезіну. Қарулы қақтығыстар әрдайым адам шығынына әкеледі. Бұл соғыс бейбітшіліктің құндылығын түсінуге үйретеді.
- Жас ұрпақ тарихты ұмытпай, аға буынның ерлігін құрметтеп, бейбітшіліктің ең үлкен құндылық екенін түсінуі қажет. Саналы таңдау жасап, адам өмірін бағалап, қиратуға емес, жасампаздыққа ұмтылыңыздар.
