Алматы, 2026 жылдың 12 наурызда сағат 14:00 де ALT Университетінің конференц-залында «Табиғат және жойылып бара жатқан түрлер туралы фотокөрме мен арт-жобалардың» салтанатты ашылуы өтті. Шараны «Сәулет-құрылыс инженериясы» кафедрасының сениор-лекторлары Д.А. Оразбаева мен А.Г. Молдаганапованың жетекшілігімен АЗС, КГ, СПГС-23, 24-к топтарының студенттері ұйымдастырды.
Көрменің басты ерекшелігі — экология мен озық технологиялардың синтезі болды. Студенттер өздерінің шығармашылық жұмыстарын ұсынды, олардың концепциялары жасанды интеллект көмегімен визуалдандырылған. Бұл тәсіл болашақ сәулетшілер мен қала құрылысшыларына үйреншікті жобалау шеңберінен шығып, қала ортасы мен Қазақстанның жабайы табиғаты үйлесім тапқан футуристік бейнелерді жасауға мүмкіндік берді.
Көрменің ашылуына университет басшылығы, оқытушылар мен студенттер қатысты.
- Кафедра меңгерушісі Г.Б. Мурзалина құттықтау сөз сөйлеп, білім беру үдерісіне ТДМ 15 интеграциялаудың маңыздылығын атап өтті.
- Сениор-лектор Оразбаева Динара Абдолдақызы жобаның концепциясын таныстырып, жасанды интеллектті қолдану — болашақтың құралдарын игеруге жасалған саналы қадам екенін жеткізді.
Экспозиция үлкен қызығушылық тудырды: көрермендер Қазақстанның Қызыл кітабына енген символдардың сәулеттік формалар мен «жасыл» технологиялардың бөлігіне қалай айналатынын көрді. Шара соңында қатысушылар технологияның, шығармашылықтың және қоршаған ортаға деген жауапкершіліктің бірлігін бейнелейтін естелік фотоға түсті.
