2025–2026 оқу жылының 2-семестрінде «Геология, топырақ механикасы, негіздер мен іргетастар» пәні аясында ALT студенттері үшін маңызды практикалық кезең ұйымдастырылды. 2 наурыз бен 20 сәуір аралығында өткен дуалды оқыту еліміздің жетекші ғылыми-зерттеу орталықтарының бірі — «ҚазДорНИИ» АҚ базасында өтті.
Өндірістік тәлімгер, зертхана меңгерушісі Д.А. Алимжановтың жетекшілігімен студенттер:
-
Инженерлік-геологиялық зерттеулер мен топырақтарды зертханалық сынаудың заманауи әдістерін меңгерді;
-
Негіздер мен іргетастарды жобалаудың практикалық негіздерін зерттеді;
-
Арнайы жабдықтармен жұмыс істеу, нәтижелерді сараптау және нормативтік-техникалық құжаттаманы қолдану дағдыларын қалыптастырды.
Бұл бастама студенттердің кәсіби құзыреттілігін арттырып, олардың еңбек нарығындағы бәсекеге қабілеттілігін нығайтады.
