2026 жылғы 30 сәуірде ALT University-де «Логистика» білім беру бағдарламасының студенттері, магистранттары және докторанттарына арналған қонақ дәрісі өтті. Іс-шараны Логистика және бизнес институтының «Көлік қызметтері және бизнес» кафедрасы ұйымдастырды.
Кездесудің спикері — көлік-логистика саласының тәжірибелі маманы Жанділдин Талғат Жолмұхамбетұлы болды. Ол өзінің кәсіби жолында көлік колледжіндегі қызметтен бастап, Алматы-1 станциясын басқаруға дейін, кейін Қырғыз темір жолының топ-менеджмент құрамында еңбек еткен.
Дәрістің тақырыбы — «Контейнерлік ағындарды басқару. Контейнерлік терминалдар және уақытша сақтау қоймалары (УСҚ)». «TransMentor» ЖШС-нің даму жөніндегі директоры өз баяндамасында логистика саласындағы өзекті трендтер мен практикалық кейстермен бөлісті. Ерекше назар мультимодальды тасымалдарды ұйымдастыру технологияларына, уақытша сақтау қоймаларының логистикалық үзілістерді азайтудағы рөліне, сондай-ақ Қазақстанның халықаралық көлік дәліздеріндегі транзиттік әлеуетінің стратегиялық маңызына аударылды.
Кездесу қатысушыларға саланың нақты тәжірибесімен танысуға, қазіргі заманғы логистиканың негізгі мәселелері мен контейнерлік тасымалдардың даму перспективаларын талқылауға мүмкіндік берді.
Қонақ дәрісі білім алушылар мен бизнес өкілдері арасындағы тәжірибе алмасуды нығайтып, болашақ көлік-логистика мамандарын даярлаудағы тәжірибеге бағытталған оқытудың маңыздылығын арттырды.
Аталған іс-шара БҰҰ-ның Тұрақты даму мақсаттарының 4-мақсаты — «Сапалы білім беру», 8-мақсаты — «Лайықты еңбек және экономикалық өсу», 9-мақсаты — «Индустрияландыру, инновациялар және инфрақұрылым» және 11-мақсаты — «Тұрақты қалалар мен елді мекендер» бағыттарын жүзеге асыруға үлес қосады.
