Біздің университеттің түлегі, Алматы дистанциясы сигнализация және байланысының инженер-техникалық құжаттама жөніндегі инженері Рахметова Бакыткул Сагинбаевна 1-курс студенттері мен оқытушылар құрамына арнап семинар өткізді.
Семинар барысында ол ҚТЖ-ның қазіргі заманғы құрылымы, цифрландыру, байланыс және сигнализация саласындағы жаңашылдықтар туралы қызықты әрі мазмұнды ақпарат берді. Студенттер өздерін болашақта күтіп тұрған кәсіби ортаны тікелей тәжірибелі маманнан естіп, сұрақтар қоюға мүмкіндік алды.
Оқытушылар үшін бұл семинар оқу бағдарламасын өндіріс талаптарымен үйлестіру тұрғысынан пайдалы болды. Университет түлектерімен байланыс орнатып, тәжірибе алмасу дәстүрі жалғаса береді.
Аталған семинар БҰҰ-ның Тұрақты даму мақсаттарының (ЦУР) №9 — «Индустрия, инновациялар және инфрақұрылым» мақсатына үлес қосады. Семинар барысында заманауи теміржол инфрақұрылымы, цифрландыру, сигнализация және байланыс жүйелеріндегі инновациялық шешімдер туралы ақпарат беріліп, студенттердің өндірістік орта мен заманауи технологиялар туралы кәсіби түсінігін кеңейтуге мүмкіндік жасалды.
Автор: Әбуғазы А. Ш.
