2026 жылғы 3 қыркүйекте ALT University-де SR ЦТТС-25-1к, 2к топтарының білім алушылары үшін «Жол құрылысындағы инновациялық технологиялар» жаңа пәні бойынша кіріспе сабақ өтті.
Сабақ өндіріс саласының өкілі — Алматы қаласы Жол қозғалысын ұйымдастыру орталығының (ЖҚҰО) өкілі Алексеев Николай Юрьевичтің және «Логистика және бизнес» департаментінің оқытушысы, ALT қауымдастырылған профессоры Бекмагамбетова Л.К. қатысуымен өтті.
Кездесу кәсіби диалог форматында ұйымдастырылып, білім алушылардың жаңа пәннің мазмұнымен, оның практикалық бағыттылығымен және көлік-жол саласында қолданылатын заманауи технологиялармен алғашқы танысуына мүмкіндік берді.
Сабақ барысында Николай Юрьевич Алексеев студенттерді Алматы қаласы Жол қозғалысын ұйымдастыру орталығының негізгі қызмет бағыттарымен, жол қозғалысын ұйымдастыру және басқару саласындағы өзекті міндеттермен, сондай-ақ көлік ағындарын талдау мен модельдеудің заманауи тәсілдерімен таныстырды.
Жол жағдайын талдау, көше-жол желісінің өткізу қабілетін бағалау, жол қозғалысын ұйымдастыруды жетілдіруге және қалалық көлік инфрақұрылымының тиімділігін арттыруға бағытталған шешімдерді әзірлеу үшін цифрлық технологияларды қолдануға ерекше назар аударылды.
ALT қауымдастырылған профессоры Бекмагамбетова Л.К. «Жол құрылысындағы инновациялық технологиялар» пәнінің мазмұнын, мақсатын, негізгі бағыттары мен күтілетін оқу нәтижелерін таныстырды. Курстың практикалық бағыттылығы және болашақ мамандардың көлік-жол саласының заманауи талаптарына сәйкес кәсіби және цифрлық құзыреттерін қалыптастырудың маңыздылығы атап өтілді.
Пәннің негізгі бағыттарының бірі көлік ағындарын модельдеу және талдау үшін қолданылатын PTV Vissim және PTV Visum мамандандырылған бағдарламалық өнімдерін меңгеру болмақ.
Аталған бағдарламалық кешендермен жұмыс істеу білім алушыларға көлік модельдерін құру, көлік ағындарының қозғалысын модельдеу, көше-жол желісінің жүктемесі мен өткізу қабілетін талдау, сондай-ақ жол қозғалысын ұйымдастыру саласындағы әртүрлі шешімдердің тиімділігін бағалау бойынша практикалық дағдыларды қалыптастыруға мүмкіндік береді.
Оқыту форматының ерекше құндылығы — нақты өндірістік міндеттерді шешуде заманауи цифрлық технологиялар мен көліктік модельдеу құралдарын қолданудың практикалық тәжірибесіне ие Алматы қаласы Жол қозғалысын ұйымдастыру орталығы мамандарының қатысуы.
Кездесу барысында білім алушылар сала өкіліне өздерін қызықтырған сұрақтарын қойып, Алматы қаласының көлік инфрақұрылымын дамытудың заманауи үрдістерін талқылап, қазіргі уақытта жол қозғалысын ұйымдастыру және қалалық көлік жүйесін дамыту саласында қандай кәсіби білім, цифрлық дағдылар мен құзыреттер сұранысқа ие екенін білді.
Осындай сабақтарды өткізу ALT University мен өндірістік сектор арасындағы өзара іс-қимылды нығайтуға, заманауи цифрлық технологияларды білім беру процесіне енгізуге және болашақ мамандардың практикалық даярлығының сапасын арттыруға ықпал етеді.
Іс-шара БҰҰ-ның Тұрақты даму мақсаттарының басымдықтарына сәйкес келеді:
- ТДМ 4 — «Сапалы білім беру» — практикалық-бағдарланған оқытуды дамыту және білім алушылардың заманауи кәсіби және цифрлық құзыреттерін қалыптастыру.
- ТДМ 9 — «Индустрияландыру, инновациялар және инфрақұрылым» — көлік-жол саласына инновациялық және цифрлық технологияларды енгізу, көлік процестерін модельдеу және заманауи инфрақұрылымды дамыту.
- ТДМ 11 — «Тұрақты қалалар мен елді мекендер» — қалалық көлік инфрақұрылымын жетілдіру, жол қозғалысын ұйымдастырудың тиімділігін арттыру және тұрақты қалалық мобильділікті дамыту.
- ТДМ 17 — «Тұрақты даму үшін серіктестік» — университет пен өндірістік сектор өкілдері арасындағы ынтымақтастықты дамыту және сала мамандарының практикалық тәжірибесін білім беру процесіне интеграциялау.
Өткізілген күні: 3 қыркүйек 2026 жыл
Уақыты: 13:00–15:00
Топтар: SR ЦТТС-25-1к, 2к
Пән: «Жол құрылысындағы инновациялық технологиялар»
Автор: Алик Асель
