ALT University-де «Инновациялық апта» аясында «Нейрондық желілер» пәні бойынша қолжазба таңбаларды тануға арналған шеберлік сабағы өтті. Сабақты Компьютерлік ғылымдар департаментінің ассистент-оқытушысы, педагогика ғылымдарының магистрі Жалгасова Алсу Ерболовна өткізді.
Шеберлік сабағына ПИ-24-1к, ПИ-24-2к, ПИ-25-1к, ПИ-25-2к, ПИ-25-3к, ПИ-25-4к және ПИ-25-5к топтарының студенттері қатысты. Сабақ № 5 корпустың О203 (РТ) аудиториясында сағат 10:30-дан 11:20-ға дейін өтті.
Практикалық жұмыстың негізгі тақырыбы нейрондық желілер арқылы қолжазба цифрларды тану болды. Студенттерге сурет салу арқылы цифрларды және камера көмегімен көрсетілген сандарды анықтауға арналған дайын деректер жинағы берілді. Жұмыс Google Colab ортасында орындалып, студенттер модельді өздері тестіледі.
Интерактивті бөлімде студенттер Gradio.app интерфейсінде цифрларды салып, оқытылған модельдің болжамдарын тексерді. Олар кескіндегі пиксельдерді өзгертіп, цифрларды қисық және қалыптан тыс етіп жазып, нейрондық желінің оларды қалай танитынын зерттеді. Осылайша қатысушылар модельді барынша жаңылыстыруға тырысып, оның қателесу себептері мен шектеулерін тәжірибе жүзінде анықтады.
Quick, Draw! сервисі жасанды интеллекттің салынған нысандарды қалай танитынын көрсету үшін қолданылды. Камера арқылы сандарды анықтау тапсырмасы нақты уақыт режимінде орындалды. Практикалық сынақтар студенттерге дайын деректер жинағымен жұмыс істеуді, әртүрлі енгізу жағдайларында модельдің тұрақтылығын салыстыруды және тану нәтижелерін талдауды үйретті.
Шеберлік сабағын өткізу ALT University-дің БҰҰ-ның Тұрақты даму саласындағы 4-мақсаты — «Сапалы білім» және 9-мақсаты — «Индустрияландыру, инновациялар және инфрақұрылым» міндеттерін іске асыру жөніндегі жұмысының бір бөлігі болды. Сабақ цифрлық құзыреттерді дамытуға, жасанды интеллект құралдарын тәжірибеде қолдануға және инновациялық оқыту әдістерін білім беру үдерісіне енгізуге ықпал етті.
Мастер-класс студенттерге нейрондық желілердің жұмыс қағидаларын тәжірибе арқылы түсінуге, компьютерлік көру технологияларының мүмкіндіктері мен шектеулерін бағалауға және жасанды интеллект негізіндегі интерактивті қосымшаларды әзірлеу дағдыларын дамытуға мүмкіндік берді.
Автор: Өмірбекова З. М.
