2022 жылғы 15 наурызда сағат 15.00-де Академияның акт залында «ХАТУ» әскери кафедрасының өкілдерімен әскери кафедраға түсуге және әскери даярлықтан өтуге ниет білдірген студенттермен кездесу өтті. Әскери кафедраның аға оқытушысы, запастағы полковник Бекниязов Бақытжан Қабақұлы студенттерді қызықтырған барлық сұрақтарға жауап берді.
Кездесуде келесі мәселелер талқыланды:
- басқа жоғары оқу орындарынан әскери кафедраға қалай түсуге болады?
- грантқа іріктеуден қалай өту керек?
- әскери кафедрада оқу қанша тұрады?
- әскери кафедрадан кейін әскерге бару керек пе?
- оқуды әскери кафедрамен қалай біріктіруге болады?
Әскери кафедрасы жоқ басқа жоғары оқу орындарының студенттері үшін оқыту запастағы офицерлерді даярлау бағдарламасы бойынша тек ақылы негізде жүргізіледі. Запастағы сержанттардың бағдарламасы бойынша әскери даярлық ақылы негізде жүзеге асырылады. Студенттер барлық сұрақтарға жауап алды.
