Телекоммуникация департаментінің тарихы

Телекоммуникациялар департаментінің тарихы 1977 жылы «Автоматика, телемеханика және байланыс» кафедрасының құрылуынан бастау алады. Әр кезеңде кафедра «Теміржол көлігіндегі автоматика және телемеханика», «Радио және электр байланысы», «Телекоммуникациялар және IT-инжиниринг», «Ақпараттық-коммуникациялық технологиялар», «Радиотехника және телекоммуникациялар» деген атаулармен жұмыс істеді. Әр жылдары кафедраны техника ғылымдарының кандидаты, қауымдастырылған профессор М. А. Липская, техника ғылымдарының кандидаты, профессор Ж. М. Бекмагамбетова және басқа да білікті мамандар басқарды.

Қазіргі уақытта құрылымдық бөлімше техника ғылымдарының кандидаты Г. Д. Мусапированың басшылығымен Телекоммуникациялар департаменті ретінде жұмыс істейді.

Департамент бакалавриаттың келесі білім беру бағдарламалары бойынша мамандар даярлайды:

• 6В06209 — Радиотехника, электроника және телекоммуникациялар;
• 6В06213 — Инфокоммуникациялық технологиялар және байланыс жүйелері;
• 6В07198 — Ұшқышсыз ұшу аппараттары және навигациялық технологиялар;
• 6В06208 – Телекоммуникациялық жүйелер және теміржол байланысы желілері.

Магистратураның білім беру бағдарламалары:

• 7М06234 — Радиотехника, электроника және телекоммуникациялар (ғылыми-педагогикалық бағыт);
• 7М06238 — Радиотехника, электроника және телекоммуникациялар (бейіндік бағыт, 1 жыл).

Докторантураның білім беру бағдарламалары:

• 8D06255 — Радиотехника, электроника және телекоммуникациялар;
• 8D06257 — Радиотехника, электроника және телекоммуникациялар (бейіндік бағыт).

Телекоммуникациялар департаменті заманауи телекоммуникациялық технологиялар саласында жоғары білікті мамандар даярлайды. Білім беру бағдарламалары келесі бағыттар бойынша іргелі білім мен практикалық дағдыларды қалыптастыруға бағытталған:

• телекоммуникациялық жүйелер, кешендер мен желілер;
• жылжымалы объектілермен радиобайланыс жүйелері;
• спутниктік және ұялы байланыс жүйелері;
• радиолокациялық және навигациялық жабдықтар.

Көлік-коммуникация саласына мамандар даярлауға ерекше көңіл бөлінеді. Түлектер заманауи телекоммуникациялық жүйелер мен желілерді, оның ішінде теміржол көлігіндегі жүйелерді жобалау, пайдалану және техникалық қызмет көрсету саласындағы құзыреттерді меңгереді.

Департамент ғылыми-зерттеу қызметін белсенді дамытып, жетекші отандық және шетелдік ұйымдармен ынтымақтастық орнатады, сондай-ақ білім алушылардың қарқынды дамып келе жатқан телекоммуникациялар саласында кәсіби тұрғыдан табысты қалыптасуына ықпал етеді.

Тәжірибелік тәжірибе мен дағдыларды алу үшін ОП – 6В06209 – Радиотехника, электроника және телекоммуникация мамандығының студенттері «Транстелеком» АҚ филиалы «Алматытранстелеком» кәсіпорнында базалық пәндер бойынша ТР департаментінің ВОЛС зертханасы бөлімінің құрылған және жұмыс істеп тұрған филиалында және «Алматытранстелеком» филиалында тәжірибелік сабақтардан өтеді.

Жоғарыда аталған филиалдар нақты өндірістік жағдайларда оқу практикасы мен практикалық сабақтарды өткізеді, сонымен қатар кіші курс студенттеріне таныстыру экскурсияларын ұйымдастырады.